كلمة وتاي....!!

موضوع: كلمة وتاي....!! الخميس ديسمبر 29, 2011 3:21 pm

كلمة وتاي....!!

أحبتنا في الله

ان شاء الله تعالى تكونوا في افضل حال

أنتم مدعوون

لجلسىة شاي عبق نسماتها الأمثال الشعبية

موضوعنا انشاء تجميعية رائعة للامثال حفظالتراثنا الشعبي المغربي الغني

وصونا لاحدى اللبنات الاساسية لهويتنا الممتدة عبر احقاب موغلة في القدم.

اسلافنا الكرام قالوا"الوالا ماخلاو لتوالا مايكولوا"

اذن لا تبخلوا علينا بما تعرفونه من امثال شعبية وحكم

الفكرة راودتنا منذ مدة ليست بالقصيرة

فتحنا لها مواضيع بالعديد من المنتديات

تفاوتت على صفحاتها الاسهامات واليوم ننتظر مشاركاتكم

دمتم برضا من الله ورسوله

- كل بلية من النسا تجي
- اللي ما يخاف من النسا خاف منو
- النسا سفينة من لعود و الراكب فيها مفقود
- هم النسا هم و همهم ما يتنسى
-الى درتيها في الرجالة ترجها,ويلا درتيها فالنسا عمرك ماتنساها
حمامة طارت و علات و حطت فوق فرع راشي
كاع النساء غي اللي ما قدات علاشي

الأمثال المختصرة
- حجة وحاجة
- عشاق ملال
- زرب تعطل
- بوه يشبه بوه
- ستة من ستين
- طاروا ولا لحكوه
- نارو على منقارو
- عش نهار تسمع خبار
- سيدي بسيادو
- اللي غلب يعف
- لاتعمل شاي لاتخاف شاي

الأمثال المطولة :
ـالحنة حرشة ,والماشطة عمشة .والعروس فيها بوهزهاز.
ـ مول الطاحونة ,والسانية ,ولمرا التانية حتى ليلة ما يبات هانية .
ـ قالت العودة :من نهار اللي ولدت ,ما كليت علفي وافي , ولا شربت مايا صافي .
ـ كيفتش على على جوا منجل , وطربوش لعجل ,وسروال الجمل .
ـ مشات عيشة تجيب القزبر ,جات حبلا من سبع شهور ,لو كان ما خافت من الطلاق , كون بقات حتى يخلاق .

أمثال لتهذيب الأطفال:
ـ الي ما سمع راي كبيرو الهم تدبيرو .
ـ الفكوسة من الصغر كتعواج .
ـ كيفصل الزناقي ويخيط الدروبه .
ـ اربط حمارك مع لحمير , يتعلم الشهيق والنهيق وخرجان الطريق .
ـ نهيه , انهيه ويلا عما , سير وخليه .
ـ مع من شفتك مع من شبهتك .
أمثال حول الذكاء والوعي .
ـ كن اسبع وكلني ,ولاتكنشي ذيب تشوهني .
ـ أميات تخميمة وتخميمة ولا ضربة بمقص.
ـ قليل مداوم خير من كثير ومقطوع .
ـ اللي جبر احسن من لعسل يلعقو .
ـ النفس نفس سلطان ,والحالة حالة مسكين ,
ـ السلطان بالتاج ويحتاج .

شكرا لك استاذي الفاضل ..على هاته الالتفاتة الرائعة لموروثنا الثقافي
مساهمتي المتواضعة لاغناء الكنز الذي اتحفتمونا به :

ثلاثة من علامات العذاب :الركاد في الجلاب و الشريب من فم القراب و الزواج ببنت الكلاب .

- اللي في النصلة يكرض البصلة .

- الضيف كيسلم و مول الدار كيخمم .

- مية تخميمة و تخميمة و لا ضربة بمقص .

إلاَ جات تجيبها سبيبة، وِلاَ مشات تقطع سناسل
ـ اطلع تاكل الكرموس , اهبط شكون قالها لك .
أمثال في الأخلاق الحسنة والسلوك الحسن.
ـ سير بالنية وارقد مع الحية .
ـ مني ومنك ينطبع , ومن واحد وحدو ينقطع
ـ سعداتك يا فاعل الخير .
ـ الحرة إلىصبرت دارها عمرت .
ـ لمعايرة في لوجه صابون , وفي الظهر طاعون .
ـ أنت مير وأنامير , الله يجيب اللي يصوك هذ لحمير
ـ الكرش غرارة ورباطها عقل .
ـ اضربني وابكا,واسبقني وشكا .

ـ لعوين مع النصارى ولا لكلاس خسارة .
ـ اللي عمل راسو في النخالة ينقبو الدجاج .
ـ اللي غاب عليك أصلو شوف فعلو .
ـ ايمارت الدار على بابها.
ـ ريح ساعة يخلي كاعة .
ـ الزين في الدفلة ,والدفلة حارة .
ـ اخنيفيسة تونس ,خير من غزالة تهوس .
ـ من لاخير في لسانو لاخير فمكانو .

أمثال تلازم الحياة اليومية .

ـ اللي صابها ليلو, ما عطاها لغيرو .
ـ لمحبة الزربانة مفر قة في نهار .
ـ دهن راسو بلعسل وخشاه في غار النمل .
ـ منين لحقت عليك أوجهي خبشوك لقطوط .
ـ داري, يسترت عواري .
ـ آحاح على غدا اما اليوم عدا .
ـ لاتشكر لاتذم, حتى تجرب عام ;
ـ ايلا كان حبيبك عسل ,لاتلعقوش كلو .
ـ اللي ضربتو إيدو ما يبكيش .
ـ قالت أم لعروسة لبنتها كاع بكاو ومشاو .أبنيتي.

ـ حبني محبة خوك وحاسبني حساب عدوك .
ـ اللي دركك بخيط دركو بحيط .
_الفقيه الذي نتسنَََاو بركتو ، دخل للجامع ببلغتو.
_لا ديدي لا حب الملوك.
_دير راسك وسط الريوس وعيط يا قطاع الريوس.
_ات اقتل وأنا ندفن.
_سب العصا قبل الغنم.
_ جبا القرع ينوسنا عرى راسو و هوسنا.
_يلابغيتي اتوحش صاحبك سلفو.
_ كيدق ويقول شكون.

أمثال تتعلق بالصحة والنفس .

ـ تغدا وتمدا وتعشا وتمشا .
ـ النواض بكري بالذهب مشري .
ـ الضر بالقنطار والراحة على راس ليبرا .
ـ باعد من لبلا ليبليك .
ـ سال لمجرب لاتسال الطبيب .
ـ لاعين شافت لاقلب وجع .
ـ العين اللي تموت شبعها شوف .
ـ القلب لمغير لوجه يعطيك خبا رو .
ـ الهذرا بين جوج وثالث خلاط .

أمثال في التعامل مع المال وصرفه .

ـ اللي ترهنو بيعو .واللي تخدمو طيعو.
ـ اللي خلص دينو شبع .
ـ على قد فراشك مد رجليك.
ـ قلت الشي تترشي .
ـ بحال الكسكاس ملي تيقوى رزقو كيغمضو عينيه .
ـ عند رخصو خلا نصو .
ـ ضربو لحلقو ينسى اللي خلقو .
ـ الله يرحم من مات وخلا الميدة عامرة فتات .
ـ الحر حر والصنعة ماتضر .
ـ هود مساري واطلع شاري .
ـ الضحك تيفسخ البيع .
ـ بالنقطة تيحمل الواد .
ـ الى شفتي المزلوط غادي زربان عرف مول لفلوس مسخرو.
ـ اللي ما عند و فلوس دييو مسوس , وكلاسو بين الناس خسارة .
ـ زوق تبيــــــــــــــــــــــع

أمثال توجيهية وتربوية .

ـ الله يجيب اللي يحسن بنا ,يعطينا بنتو , ويخدم علينا.
ـ الخادم تتعنا بنهود لالاها .
ـ هذي من لغرايب , لمرا مكحلة وراجل غايب .
ـ شكون شافو ليك يالمسوكة بالليل , ومكحلة عند القنديل .
ـ قلب القدرة على فمها ,البنت تشبه لمها .
ـ للا مليحة وزادتها الترويحة .
ـ للا زينة , وزادها الحمام .
ـ داقو سعيد , وجبرو لذيذ واحلف حتى يزيد .
ـ بحال مهراز دار الدباغ دك أنت دك أنا.
ـ مريقت جــــــــــارتي تتعجبني .

. أمثال تدل على المشاعير والإحساس .

ـ عينيك ميزانـــــــــــــك .
ـ العارف شفتو كفاتو .
ـ الحرة بالغمزة والعبد بالدبزة .
ـ كيفيق بالندا إلي طاح .
ـ جوعي في كرشي وعنايتي في راسي .
ـ الحجرة من ايد لحبيب تفاحة .
ـ على وجه لكتاب تتباس الجلدة .
ـ اللي فاتك بليلة فاتك بحيلة .
ـ الزيزون ماتتفهمو غير مو .
ـ ايلا فاتك لكلام, قل سمعت ويلا فاتك الطعام, قل شبعت

ـ مايبكلك غير شفرك وما يحكلك غير ظفرك .
ـ طاح الحك في الما واجبر غطاه تم .
كل خنفوس عند ام غزال
يا لمزوق من برا واش حالك مداخل
ماشي كل خضرة حشيش
السكران يعرف باب دارو
عدي بالنعالة حتى يجيب الله السباط.
الخيل واقفة و الحمير تتبورد.
اضرب الحديد محدو سخون.

عند رخصو، تخلي نصو.
اللي بلاه الله بالسعاية، يقصد الديور الكبار.
تيشري الحوت في البحر.
الحر بالغمزة، والعبد بالدبزة.
الحرث بالنية والزواج بالنية.
صبحات الخابية تتسخر على الغراف.
دير النية، وبات مع الحية.
فينك يا فرص زمان، وعقل دبا.
مايدوم لا الطاس ولا يدو، ولا الخادم اللي تشدو.
سبق العصا قبل الغنم.

عز الخيل مرابطها.
إلا شفتي النحل في الباب، عرف بأنه العسل في القصعية.
قطران بلادي، أولا عسل البلدان.
قال ليه شمتك، قال ليه عرفتك.
اللهم قبر مجلي, أولا شكارة خاوية.
ألف تخميمة و تخميمة أولا ضربة بالمقص.
اللي عطى راسو للحجام، يصبر.
حتى زين مخطاتو لولا.
قليل ومداوم، أولا كثير ومقطوع.
اللي دار راسو في النخالة، تينقبو الدجاج.

الفرنك البيض ينفع في النهار الكحل
قيس, قبل ما تغيس.
الجديد ليه جدة، والبالي لا تفرط فيه.
اللي طيباتو المعفونة، تياكلو راجلها.
اللي حرثو الجمل، دكو.
الحمار, في عين أمه غزال.
شحال من زبالة، صبحات جامع.
العكر فوق الخنونة.
المراة، شاورها ومتديرش برأيها.
المحامي؛ شفار و متيخونش، الطبيب, جزار ومتيدبحش.

سطات يسطي، برشيد يداوي، كازا الهواوي.
طلع تاكل الكرموس ، نزل شكون قالها ليك.
طل طل تشبع ضحك.
طاحت الصومعة، علقو الحجام.
دوز على الواد الهرهوري، ما تدوز على السكوتي.
اللي عضو الحنش، يخاف من القنبة.
اللي بغا العسل، يصبر لقريص النحل.
كايس على حمارك، تحج عليه.
اللي كيشطح، متيضرق لحيتو.
دير ما دار جارك ، أو حيد من حداه.

اللي دا شي، اداه، واللي زلق جا على عين قفاه.
الرجل، هو اللي بتاعو و متاعو.
اللي مشيت على قبلوماجبتو، واللي خليتومالقيتو .
جري يا التاعس، بسعد الناعس.
ربط تصيب، ماتطلق.
مايربح لا الحداد، ولا اللي يصوط عليه.
اللي تسحر مع الدراري، يصبح فاطر.
للا زينة، وزادها نور الحمام.
الزين في الدفلة حار.
أنا تنشكي عليه بالعقر، وهو تيقول لي كيف عاملين الدراري.

قال ليه أباك طاح، قال ليه راه من الخيمة خرج مايل.
اللي بغا طريق المحكمة، يوجد الدرهم المصرف، والصباط المطرف.
كل زبيبة، فيها عود.
إلا فرشت ليك حيكي، متوسخوش.
سمحوا لينــا، اللسان مافيه عظم.

ـ كل مع خييك واحض من خييك ,لا يدي لك لحويك .
ـ خوك في الصنعة عـــــــدوك .
ـ لاتعمل خير ما ترى باس .
ـ معمشة وتتماشى اولا مكحلة وتلاشى .
ـ زوينة وغزالة وتتزوج من والى .
ـ زيد كوش على كوش اولا نعيط على بوش .
ـ الكرموس الهندي نوضك من عندي .
ـ جبانية رفيسة اولا تبنديق اولاد عيسى .
ـ كن مالذهم مانكدم مانزضم .
ـ باش تمسح المزلوطة إلي توسخت ليها الفوطة .

ـ إلي ترفحتي وحلات ليك لكليسة تهلى في لكصيصة .
ـ كل الشحيما وخلي لحيما .
ـ شبعها وخليها هايمة حتى تلقى الدايمة .
ـ كن ما السمسار ماتباع الدار .
ـ كن ما لكريدي مانمد أيدي .
ـ كن ماالبنكة مانطيح في العركة .
ـ الى بغيتها أتوالى لاتصاحب من والى .
ـ ملي سلا وارتاح عاد عجبو غربي لمراح
المجدوب
كليت الطعام مسوس وحل ليا في لهاتي
والعيب اللي كان في مستور ..خرجوه في ابناتي

اللي ما عندو هم, كاتولدلو احمارتو.
_لو كان الخير فيا ما يتزوج راجلي عليا.
-امراة المنحوس ما هي مطلقة ما هي اعروس.
-حمقاء وقالوا لها زغردي.
_اللوسة سوسة.
_اللِّي كَيْعَمْلُه يَبْلِيسْ فْعَام تْعْمله العْكُوزَة فْسَاعهْ.
_حتى تحممات عاد شطبات او عزفات.
_البنت الزوينة ما تعرف العجينة.
-الى حلفو فيك الرجال بات ناعس ولا حلفو فيك النسا بات فايق وتسنا.
*المرا كاتهرب من الشيب كيف النعجة من الذيب.
*الشيطان أستاذ الرجل و تلميذ المرأة.

لا تكف المرأة عن الكلام إلا لتبكي.
*آخر ما يموت في الرجل قلبه و في المرأة لسانها.
*المرأة شعر طويل و عقل قصير.
*المرأة في الشارع عروسة و في البيت جاموسة.
.....
زمان كانوا الرجال يلعبوالضامة بلعليالات
ولعيالات يشطحو الرجالات فوق م والات
اليوم اتقلبات الضامة
مابقاو ارجال ما بقاو اعيالات

ـ سير بالنية وارقد مع الحية
ـ هذي من لغرايب , لمرا مكحلة وراجل غايب .

» كلمة مقرر منتدى الفكر الإسلامي الأستاذ الدكتور عادل