هانا جيت هانا ..نضحك امعاكوم ..

واحد الخايبة داخلة لحمام الزنقة فالصباح و هي تلاقا مع جن خارج و هي تقول :تف تف تف بسم الله الرحمان الرحيم .. هو يقول ليها : حيدتيها ليا من فمي

واحدالبركاني ما كايجيهش النعاس بالليل.. عاودها لصاحبو هو يقول ليه كاين الحل ! شوف ملي تمشي للفراش غادي تحسب من واحد حتال 500 و راه غادي يجيك النعاس.. لغدليه تلاقا معاه أ منضرا ؟ قال ليه : والو ماصدقاتش ديك اللعبة.. قال ليه أواه؟ عاود ليا كيفاش درتي؟ قال ليه كيما قلتي ليا.. بديت كانحسب غير كانوصل ل 100 كايجيني النعاس...؟ إيوا ؟ قال ليه صافي كانوض نغسل وجهي بالماء و نرجع نكمل.

هدا واحد الاستاذ سول التلاميذ شنو هي النجمة بالفرنسية واحد التلميذ عرفها ولكن هو حشومي قالها لصاحبو الكسول ذاك الكسول قال للاستاذ " ليطوال "
الاستاذ تعجب او قاليه ركبها في جملة ، جاوب الكسول : اللي طوال ارجعو اللور و اللي قصار ايزيدو لقدام

هذا واحد سمع الغوات عند الجيران ف نصاصات الليل ومشى يشوف أشنو واقع، قالو ليه الما ء الروبيني فيه التسمم. رجع الراجل لدارو وسولاتو مرتو: أشنو واقع؟ قال ليها راجلها: آوالو داكشي. شربي ليك شي كاس ديال الما ونعسي

البركانيّين فرحانين حيث سمعوا كاين بركان في آيسلاندا

جوج سرقو بنك. مشاو لدار كايحسبو .عياو واحد قال لصاحبو غير نعس دابا غدا هايقولو فالاخبار شحال سرقنا